HATARI KAHAMA!! WATUMISHI WATANO WA HALMASHAURI WATUMBULIWA MAJIBU KWA KUSIMAMISHWA KAZI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Halmashauri ya Mji wa Kahama Mkoani Shinyanga imewasimamisha kazi watumishi wake watano na wengine watano kuwaweka kwenye uchunguzi maalumu baada ya kubainika na ubatilifu wa fedha shilingi milioni mia nane arobaini na tatu zilizotolewa ushuru wa huduma na mgodi wa Buzwagi uliopo Wilayani Kahama.

Uamuzi wa kuwasimamisha watumishi hao umetangazwa leo na mwenyekiti wa Halmashauri hiyo Abel Shija baada ya kumalizika jana kwa kikao cha baraza la madiwani wa Halmashauri hiyo ambao walilidhia kusimamishwa kazi kwa watumishi hao.

Shija amewataja watumishi waliosimamisha ni pamoja na Michael Nzingula ambaye ni mkuu wa idara  ya kilimo, ushirika na umwangiliaji pamoja na afisa ugavi katika Halmashauri hiyo Joseph Maziku na afisa biashara Elius Mollel pamoja na mweka hazina katika Halmashauri hiyo Wilfredy Kisheri na mhasibu wake Alex Mloso.

Watumishi hao walikuwa wajumbe wa bodi ya zabuni ambao kwa pamoja wanatuhumiwa kutoa zabuni za ujenzi kwenye makampuni yaliyofutwa na msajili zenye thamani ya shilingi bilioni moja na milioni mia sita, milioni moja na nusu kati ya hizo zimetolewa ushuru wa huduma na mgodi wa Buzwagi.

Hata hivyo Shija amesema katika ubatilifu huo shilingi milioni mia nane thelathini  kati ya fedha hizo hazijulikani matumizi yake na katika watumishi hao wengine watano wako kwenye uchunguzi ambao walikuwa wajumbe wa bodi hiyo iliyohusika kufanya ubatilifu wa fedha hizo.    

Mwenyekiti huyo amewataja watumishi ambao wako kwenye uchunguzi zidi ya tuhuma hizo ni pamoja na Afisa utumishi mkuu wa Halmashauri hiyo Kulwa Ntaudyimara, Afisa elimu wa sekondari Anastazia Manumbu, Afisa ardhi mipango mji Joakim Henjewele, afisa elimu msaidizi Neema Lema pamoja na afisa mipango Angela Cravery.

Pia katika tuhuma hizo yumo aliyekuwa mkurugenzi katika Halmashauri hiyo Felix Kimalio aliyehamishiwa Wilaya ya Longido na mhandisi wake Msumba Msoka aliyehamishiwa Wilaya ya Nanyumbu ambao taratibu za kiutumishi za kurejeshwa Kahama kujibu tuhuma zao zinafanyika huku Jodan Ojode aliyekuwa afisa mipango kabla ya kuhamishwa akiibuka kidedea baada ya kukataliwa kwa ushauri wake wa kutotumia vibaya fedha hizo.

Kabla ya hapo mkuu wa Wilaya ya Kahama Vita Kawawa  aliunda kamati ya uchunguzi wa matumizi ya fedha hizo ambapo alibaini kuwepo kwa ubatilifu wa fedha hizo hali ambayo aliiangiza baraza la madiwani kuchukua hatua kali za kisheria na nidhamu dhidi ya wahusika wote waliohusika kutumia vibaya fedha hizo.