BODI MPYA YA MAJI MKOA WA SHINYANGA YAZINDULIWA

Mkuu wa Mkoa wa Shinyanga Mhe.Ally N. Rufunga amezindua Bodi mpya ya Maji ya Mkoa wa Shinyanga katika halfa fupi iliyofanyika Alhamisi hii, kwenye ofisi za Mamlaka ya Maji safi na maji Taka mkoani Shinyanga (SHUWASA).

Katika hafla hiyo, Mkuu wa Mkoa amewataka wajumbe wa Bodi mpya inayoongozwa na Mwenyekiti wake Brigedia Jenerali (Mstaafu),Dkt.Yohana Balele,kukabiliana na changamoto mbalimbali zinazoikabili idara ya maji ambazo alizitaja kuwa ni miundombinu hafifu hasa mabomba, uchache wa wateja wanaotumia maji na wateja sugu wa kulipa madeni ya maji.

Wajumbe wengine wa bodi mpya ni Dkt.Anselm Tarimo (Katibu Tawala Mkoa wa Shinyanga),Bw. Festo Kang'ombe ( Mkurugenzi wa Manispaa ya Shinyanga),Dkt.Ramadhan Kabala(Mganga Mkuu wa Mkoa) na Bw.Fred Shoo(Mfanyabiashara). Wengine ni Paulina M.Limbe,Mhe.Mourice Mugini,Dkt. Justus Rwetabula na Sylivester Mahole ambaye ni Mkurugenzi wa Mamlaka ya Maji safi na Maji taka (SHUWASA)

Aidha, Mhe.Mkuu wa Mkoa amevunja bodi ya zamani ambayo imemaliza muda wake baada ya kufanya kazi kwa miaka mitatu.

Katika hafla hiyo pia,Mkuu wa Mkoa amezindua baraza la Wafanyakazi wa mamlaka ya Maji,amefungua tovuti ya Mamlaka ya maji safi na Maji taka (SHUWASA) pamoja na kuzindua mkataba wa huduma kwa mteja.

 

Mkurugenzi wa Mamlaka ya Maji safi na Maji taka Mkoa wa Shinyanga Ndg. Sylivester Mahole akitoa taarifa fupi ya Mamlaka hiyo kabla ya Mgeni rasmi Mkuu wa Mkoa kuzindua Bodi mpya ya maji na kuvunjwa Bodi ya zamani

 Akimpongeza Mwenyekiti mpya wa Bodi ya Maji ya Mkoa wa Shinyanga Brigedia Jenerali Mstaafu Dkt. Yohana Balele

 Mkuu wa Mkoa akizindua Mkataba wa Huduma kwa Mteja wa Mamlaka ya Maji safi na Maji taka mkoani Shinyanga,kushoto ni Mkuu wa wilaya ya Shinyanga Mhe.Anna Rose Nyamubi.

  Mhe.Mkuu wa Mkoa wa Shinyanga Ally N.Rufunga akizindua tovuti ya Mamlaka ya Maji safi na Maji Taka Mkoani Shinyanga(SHUWASA)

 Sura ya tovuti ya SHUWASA inavyoonekana baada ya kufunguliwa

Mkuu wa Mkoa Mhe.Rufunga akitoa nasaha kwa wajumbe wa bodi mpya ya Maji ya Mkoa wa Shinyanga baada ya kuwakabidhi vitendea kazi.