BARAZA
la Madiwani wa Halmashauri ya Ushetu katika Wilaya ya Kahama, mkoani
Shinyanga limepitisha mapendekezo ya mpango wa bajeti ya sh bilioni 32.5
kwa mwaka wa fedha 2014/2015.
Akisoma mapendekezo ya mpango wa bajeti wa mwaka 2014/2015,
Mkurugenzi Mtendaji, Isabela Chilumba, alisema kiasi hicho cha fedha
wanatarajia kukitumia katika shughuli mbalimbali za maendeleo sambamba
na mishahara ya watumishi.
Chilumba alisema matumizi katika bajeti hiyo ni sh bilioni 30.7
ambazo zitatokana na ruzuku kutoka Serikali Kuu, huku shilingi bilioni
1.8 ni kutoka katika vyanzo vyake vya mapato ya ndani ikiwa ni pamoja na
sh bilioni 1.1 kutoka ushuru wa zao la tumbaku.
Hata hivyo, Isabela alisema katika bajeti ya mwaka 2013/14
halmashauri yake ilikadiria kukusanya shilingi bilioni 39.3, ikiwa ni sh
bilioni 37 ruzuku ya serikali, huku mapato ya ndani ikiwa ni sh bilioni
2.3.
Akifafanua zaidi Chilumba alisema bajeti hiyo mwaka huu imeshuka
kutokana na kujitenga kwa Halmashauri ya Msalala, ambayo nayo imeandaa
bajeti yake kwa kujitegemea tofauti na mwaka huo ambapo zilikuwa pamoja.
Mwenyekiti wa Halmashauri ya Wilaya ya Ushetu, Juma Kimisha, alisema
changamoto zinazokwamisha utekelezaji wa miradi ni ucheleweshwaji wa
ruzuku kutoka serikalini, ambayo hufika kwa kusuasua na pengine kutofika
kabisa, hali inayofanya baadhi ya miradi kutokamilika.
Chanzo;Tanzania Daima
0 comments:
Post a Comment