KIKUNDI CHA TUMAINI CENTER CHATOA MSAADA KWA WATOTO WAISHIO KWENYE MAZINGIRA MAGUMU KAHAMA

ZAIDI ya watoto 78 waishio katika mazingira  Hatarishi   katika kijiji cha Nduku Kata ya Kinaga Wilayani Kahama   Wamepatiwa msaada wa vifaa  mbalimbali pamoja na nguo za shule, kalamu, daftari, mafuta ya kupakaa, godoro pamoja na shuka vikiwa na thamani ya sh. Laki tano.

Hali hiyo imeelezwa jana na Katibu msaidizi wa kikundi cha Tumaini centre;  Nzile Lukondya, katika hafra fupi  ya kugawa misada hiyo iliyofanyika katika kijiji cha Nduku  wilayani Kahama.

Akikabidhi misaada hiyo Diwani wa  kata ya Kinaga bi.Mary Manyambo aliwataka viongozi wa kikundi hicho kuhakikisha wanafanikiwa katika hatua hiyo ya kuwasaidia watoto wa mitaani hali ambayo itapunguza mzigo kwa serikali pamoja na wimbi la watoto wa mitaani.

Kwa upande wake mwenyekiti wa kikundi hicho ;Mussa Mayala ameeleza mikakati iliyopo ni kuhakikisha kinalenga kuwasaidia vijana,wanawake na wanaume ili waweze kujipatia maisha yao wenyewe kwa kujitegemea pia waweze kuthanminika kaitika jamii inayowazunguka pamoja na kupata ofisi maalum.

Mmoja wa wazee wasiojiweza; Mathias Luhenzagula ambae pia ni mlemavu wa macho aliushukuru uongozi wa kikundi hicho kwa kumpatia msaada wa godoro na shuka, kutokana nakuwa  tangu azaliwe hajawahi kulalia godoro ambapo sasa atakuwa amelipatia ukubwani .