MCHIMBAJI MADINI SHINYANGA ACHOMWA KISU,AFA

 Mchimbaji mdogo wa madini ya dhahabu mkoani Shinyanga amefariki dunia baada ya kuchomwa kisu kifuani katika ugomvi wa ku gombea mwanamke uliozuka kati yake na mwenzake aliyefahamika kwa jina la Cosmas Mazigo (23), mkazi wa Misungwi mkoani Mwanza, anaripoti Suleiman Abeid, Shinyanga.
Kamanda wa Polisi mkoani humo, Evarist Ma ngala, amemtaja marehemu kuwa ni Emmanuel Chacha (29), mkazi wa Kijiji cha Nyanga lata, wilayani Kahama ambaye alifariki papo hapo ambapo tukio hilo limetokea juzi saa tano usiku katika Kijiji cha Kalole, Kata ya Lunguya, wilayani Kahama.
Alisema chanzo cha mauaji hayo ni ugomvi wa kugombea mwanamke ambaye jina lake halikufa hamika mara moja ambapo wakati ugomvi huo ukiendelea, mtuhumiwa alichukua kisu na kumchoma nacho Chacha kifuani.
Aliongeza kuwa, baada ya tukio hilo wanakijiji waliokuwa jirani walifanikiwa kumkamata mtuhumiwa huyo ambaye hivi sasa anashikiliwa polisi na baada ya upelelezi kukamilika, atafikishwa mahakamani kujibu shtakala   mauaji.

Chanzo:majira