Zitto awapa somo wakazi wa Shinyanga

Naibu Katibu wa Chadema, Zitto Kabwe.

Shinyanga.Naibu Katibu wa Chadema, Zitto Kabwe amewataka wakazi wa Manispaa ya Shinyanga wawachague viongozi wanaofanya siasa za vitendo na siyo maneno.

Alisema hayo jana wakati akihutubia mkutano wa hadhara uliofanyika katika Viwanja vya Mahakama ya Mwazo mjini humo.

Alisema wananchi wanatakiwa kuamka kwa kuwatathimini viongozi waliowachagua katika kipindi cha miaka mitano iliyopita.

Zitto alisema siasa za maneno zilishapitwa na wakati na kwamba siasa iliyo bora ni ya vitendo kwa maana ya kuwaletea wananchi maendeleo.

‘Siasa za maneno zilishapitwa na wakati sasa hivi siasa ni vitendo tu maana wananchi wameshachoshwa na ahadi za viongozi,” alisema Zitto

Katika hatua nyingine mbunge huyo wa Kigoma Kaskazini, alisema amekuwa akisafiri kwenda nje ya nchi kufuatilia fedha zilizofichwa na kampuni za wafanyabiashara wakiongozwa na baadhi ya viongozi wakubwa serikalini.

Chanzo;Mwananchi